ኣብ ንኡስ ዞባ ሓጋዝ፡ ብጨንፈር ሚኒስትሪ ዕዮን ሰብኣዊ ድሕነትን ዞባ ዓንሰባ ዝተወደበ፡ ኣብ ድሕነትን መሰላትን ቈልዑ ብሓፈሻ፡ ምውጋድ ጐዳእቲ ልምድታት ድማ ብፍላይ ዘተኰረ ዓውደ-ዘተ ብ25 ሕዳር ተኻዪዱ። ኣብ’ቲ ኣባላት ሽማግለ መሰላት ቈልዑ ናይ’ቲ ንኡስ ዞባ፡ ወከልቲ ባይቶ፡ ሃገራውያን ማሕበራት፡ መራሕቲ ሃይማኖት፡ ወከልቲ ሚኒስትሪታትን ካልኦትን ዝተሳተፍዎ ዓውደ-ዘተ፡ ኣብ ሚኒስትሪ ዕዮን ሰብኣዊ ድሕነትን ሓላፊ ኣሃዱ መሰላት ቈልዑ ኣቶ ሙሴ...

ዒድ መውሊድ ኣ’ነበዊ ኣ’ሸሪፍ፡ ትማሊ 30 ሕዳር ኣብ መላእ ሃገር ብኽብ ዝበለ ስነ-ስርዓት ተባዒሉ። ኣብ ኣስመራ – መስጊድ ኣልኹላፋእ ኣልራሽዲን ኣብ ዝተኻየደ ጽምብል፡ ኣመሓዳሪ ዞባ ማእከል ሜጀር ጀነራል ረሞዳን ዑስማን ኣውልያይ፡ ላዕለዎት ሰበ- ስልጣን መንግስትን ግንባርን፡ መራሕቲ ሃይማኖት፡ ኣምባሳደራትን ብኣሽሓት ዝቚጸሩ ምእመናንን ተሳቲፎም። ኣካያዲ ስራሕ ሙፍቲ ኤርትራ ሼኽ ሳልም ኢብራሂም ኣልሙኽታር ኣብ ዘስመዕዎ ቃል፡ ንመላእ...