ኣብ ዝተፈላለየ ኣብያተ-ጽሕፈት ህግደፍ ዞባ ማእከል ዝነጥፋ ደቀንስትዮ፡ ብምኽንያት ኣህጉራዊ መዓልቲ ደቀንስትዮ፡ ብ7 መጋቢት ኣብ’ቲ መሰረታዊ ጽገናን ናይ ምግፋሕ ስራሓትን ዝካየደሉ ዘሎ ጽርግያ ነፋሲት – ላዓይተን – ደቀምሓረ በጺሐን።
ኣወሃሃዲት ናይቲ ዑደት ወይዘሮ ለተንጉስ ጸጋይ፡ ቀንዲ ዕላማ ዑደተን፡ ኣብ’ቲ ከባቢ ዝሰላሰል ዘሎ ልምዓታዊ ንጥፈታት ብኣካል ንምዕዛብን ኣብ’ቲ ስራሕ ንዝዋስኡ ዘለዉ ምትብባዕን ምዃኑ ሓቢራ።
እተን ደቀንስትዮ ነቲ ዝሰላሰል ዘሎ ዕማም ድሕሪ ምዕዛብ፡ ኣብ’ቲ ስራሕ ብዝነጥፉ ዘለዉ ሞያውያን መብርሂ ተዋሂቡወን።
እቲ ዑደት ኣዝዩ ኣገዳሲ ኮይኑ ከምዝረኸብኦ ዝሓበራ ተሳተፍቲ፡ ነፍሲ-ወከፍ ዜጋ “ምርኣይ ምእማን” ምዃኑ ኣሚኑ፡ ብውዱብ መልክዕ ናብ ቦታታት ልምዓት ክበጽሕን ንጀጋኑ ልምዓት ከተባብዕን ጸዊዐን።
