ሃገራዊ ማሕበር ደቂ-ኣንስትዮ ኤርትራ ጨንፈር ዞባ ደቡባዊ ቀይሕ ባሕሪ፡ ንደቂ-ኣንስትዮ ኣባላት ሰራዊት ሰሚናር ኣካዪዱ።
ኣብ ኩሉ-መዳያት ተረጋጊጹ ዘሎ ተወዳዳሪ ተሳታፍነት ደቂ-ኣንስትዮ፡ ውጽኢት ናይ’ቲ ኣብ ዝሓለፈ ርብዒ ዘመን ኣብ ምምዕባል ዓቕሚ-ሰብን ምብራኽ ንቕሓት ሕብረተ-ሰብን ዝተገብረ ገዚፍ ወፍሪ ምዃኑ ዝጠቐሰት ሓላፊት’ቲ ጨንፈር ወ/ሮ ሳዕድያ ኢብራሂም፡ ደቂ ኣንስትዮ ከም ፍርቂ ኣካል ሕብረተ-ሰብ፡ ተዋዲዱ ንዘሎ ዕድላት ኣካዳሚያዊ ትምህርትን ሞያዊ ስልጠናታትን ብዝግባእ ክጥቀማሉ ኣዘኻኺራ።
ኣብ መዳይ ጥዕና ተመዝጊቡ ዘሎ ለውጢን ኣንጻር ሃሳዪ ልምድታት ዝግበር ዘሎ ቃልሲን እውን፡ ኣብ ምዕባለ ደቂኣንስትዮ ርኡይ ኣስተዋጽኦ ይገብር ከምዘሎ ዝጠቐሰት ወይዘሮ ሳዕድያ፡ ደቂኣንስትዮ ኣብ ማሕበር ተወዲበን ተራአንን ኣበርክቶአንን ከዕዝዛ ተላብያ።
