ኣብ ከተማ ዓሰብ፡ ኣስታት 30 ዝኾኑ – ኣእምሮኣውን ምዕባለኣውን ስንክልና ዘለዎም ዜጋታት፡ ሞያዊ ስልጠናታት ተዋሂቡዎም።
እቲ ትምህርቲ፡ ብዓውድታት ስእልን ስራሓት ላኻን ምዃኑ፡ እቲ ሓበሬታ ኣረዲኡ።
ኣካያዲት ስራሕ ቤት-ጽሕፈት ማሕበር ኣእምሮኣውን ምዕባለኣውን ስንክልና ኣብ ዞባ ደቡባዊ ቀይሕ ባሕሪ፡ ወ/ሮ ተመስገን ሃይለ፡ እቲ ስልጠና ኣካል ናይ’ቲ ዓቕሚን ተሳትፎን ናይ ከምዚኦም ዝኣመሰሉ ዜጋታት ንምዕባይ ዝካየድ ዘሎ ጻዕሪ ከምዝኾነ ገሊጻ።
ወለዲ ንስንኩላን ደቆም ተራሕዩ ኣብ ዘሎ ናይ ምንቕቓሕን ምምዕባል ኣእምሮን ንጥፈታት ከሳትፍዎም ምርኣይ ዝምጐስ ምዃኑ፡ ገና ዝተረፉ ስለዘለዉ ግን፡ ተጠቀምቲ ናይ’ዚ ዕድል ክኾኑ ኣዘኻኺራ።
